I desse dagar sender vi ut fakturaer til alle abonnenter for dei to neste nummera av tidsskriftet Røyst. #13 kjem i mai/juni og Røyst #14 kjem til hausten.
Om du ikkje er abonnent, er dette tida for å tinga abonnement om du har lyst på neste nummer, som vil ha tema "bruk av land og hav". Dette vert eit knakande godt nummer med tekster som på ulikt vis tek opp distriktspolitikk, arbeidsplassar og bruk av norske naturressurser.
Om du allereie er abonnent, bør du undersøkje at vi har registrert riktig postadresse. Det er grådig irriterande å ikkje få bladet i posten fordi du har flytta og gløymd å melda ifrå. Fakturaene vert sendt ut digitalt på Vipps efaktura eller epost. Om vi ikkje har denne kontaktinformasjonen, vert den sendt per post med ekstra fakturagebyr.
Om du vil melda frå om ny adresse, epost eller telefonnummer, kan du senda ein beskjed til post@royst.no!